Pois xa non contaba eu con volver a publicar nada nesta sección, pero eche ben certo que non se pode dicir “desta auga non beberei” nin “este cura non é meu pai”…
Estaba eu escribindo a ratos nun pequeno minicurso de electrónica para a wiki de Bricolabs e cheguei ó punto de ter que decidir como ía poñer as gráficas necesarias para ilustralo. Dubidaba entre facer as curvas con Octave, ou directamente facer os esquemas en KiCAD e simulalos.
Facía case mil anos que non tocaba un programa de simulación electrónica. Na universidade vimos un pouco de Pspice, nada máis. Así que me puxen a argallar con ngspice e acabei redactando unha pequena (escacho coa risa) presentación. Non contempla un uso avanzado da simulación (nada de Montecarlos nin cousas así), pero para facerse unha idea penso que é dabondo.
ngspice #
ngspice é un herdeiro do SPICE orixinal. Hoxe en día hai varias aplicacións de simulación electrónica, e a que temos dispoñible nos repositorios de Linux adoita a ser esta. Ademáis, KiCAD incorpora tamén ngspice para poder simular directamente dende dentro do editor de circuítos.
Descarga #
Aquí tedes o documento.